آلُڛلُآمْ عٌلُيُڪمْ وُرحمْة آلُلُﮩ وُبُرڪآتْﮩ
------------------------------------------
البـارت الأول :
العيلة مجتمعة مع بعضها على العشا .. بداية أعرفكم على العيلة
الأم ( أم ماجد ) واسمها صباح
الأب ( أبو ماجد ) واسمو أسامة
الابن الاصغر واسمو ماجد وعمرو 16 ثانية ثانوي
البنت توأم ماجد واسمها ريم وعمرها 16 ثانية ثانوي
البنت الاكبر واسمها ليان وعمرها 17 ثالثة ثانوي ( توجيهي )
الأم : يلا بنات انهو خلصو بسرعة عشان نلحق نطلع نتسوق
ليان : ليش ايش المناسبة ؟
الأم : بكرا عزومة دار خالتك حنان
ريم : ليش عاملة عزومة ؟
الأم : فراس ابن خالتك راجع من أمريكا
ليان : عنجد !! يـآآي من زمان ما شفتو
ريم : لا تفرحي كتير اكيد طفس ومقرف
ليان : والله ما في اطفس منك !
الأم : بكفي انتي وياها يلا قومو البسو عشان نطلع
لبسو البنات و تجهزو و تماام و طلعو مع امهم السوق
الأم : ريم شوفي هاد تجنن و عليكي بتطلع روعة
ريم : مم مش حلوة !
ليان : هاتي انا باخدها يا طفسة
وبعد عناء ومشقة و 3 ساعات تعب من التسوق
روحوا البيت تعبانين من التسوق
ريم : آآخ يا غرفتي و سريري اشتقتلكو مووت
ليان : بكفيكي هبل و يلا غيري عشان ننام
ريم : ليانو ,, تتوقعي كيف شكل فراس ؟
ليان : شو لازمة هالسؤال يلا نامي
ريم : ممم تتوقعي اسمر ولا ابيض ! شعرو اسود ولا احمر , طفس ولا ..
ليان قاطعتها : ولك خلص نامي ! انا حنام سلام
ريم : تصبحي ع خير يا طفسة
ليان : وانتي من اهلو يا اطفس
وفي صبـآآح اليوم التاني الساعة 1 بالتحديد :
الأم : بناات !! اصحو بسرعة تأخرنا
ريم : خفي علينا !
الأم : اصحي يلا اتأخرنا
ليان : خلص خلص صحينا
الأم : صارت الساعة 1 وانتو نايمين العزومة الساعة 2
يدوب تلحقو تلبسو
ليان : طيب طيب قمنـآآآ
لبسو البنات و تجهزو وكانو آخر أناقة !!
ريم لبست بلوزة أحمر واسود وابيض و بنطلون أسود وبالية أحمر و ابيض
وشالة ابيض واحمر واسود !
ليان لبست بلوزة موف و جينز اسود و كوتشة اسود وموف و شالة اسود
وابيض وموف ولبست فوقهم العباية
ولما وصلو بيت خالتهم حنان كانت أمل ( بنت خالتهم حنان ) بتستناهم ع الباب
أمل : بدري أنتي وياها كل الناس صارو هين
ليان : وصل فراس ؟
أمل : لا لسا رح يوصل بعد دقايق يلا ادخلو
دخلو ريم و ليان و ماجد وسلمو ع الموجودين وقعدو
وما هي الا دقايق وفراس وصل !
دخل فراس الباب والكل عينيهم عليه !
حضنتو امو و ضلتها تبكي و رحبت في
سلم فراس ع الموجودين بالدور ووصل لعند ريم وليان و أمل اللي كانو
جالسين جمب بعض
أمل حضنت اخوها وسلمت عليه
ريم : الحمد لله ع السلامة
ليان : الحمد لله ع سلامتك منووور ابن خالتي !
فراس : الله يسلمكو .. كيفك ليان ؟
ليان بصوت كلو خجل : الحمد لله تسلم
وقعد فراس معهم ,, وكان الكل ساكتين و فجأة طلع صوت من ناحية فراس
فراس : اشتقتلكو يـآآ جماعة خاصة بنات خالتي صباح (( ع فكرة كان
قصدو ليان بس خجل يحكي ليان .. !)
اشتقت طفاستهم أكتر اشي هههههههـ
أم ماجد : لا بس بناتي عقلو وبطلو هبلات وطفسات زي قبل هههـ
فجأة قامت ليان : عن اذنكم بدي أروح أشرب مي !
الخالة حنان : براحتك حبيبتي ..
وراحت ليان تشرب مي !!
الخالة حنان : ما شالله عنها بنتك حلاوة و خجل وكلها زوووء
الله يخليلك ياها
ام ماجد : تسلمي يـآآ اختى !!
----------------------------------------
يتبع
♥|جَنسِڪٍ ~
